Tuesday 21st January 2020,
Equilibri Circolo dei lettori di Elmas

Angelica Piras – Bagamunda sentza domu

Angelica Piras

Mi pàsiu
candu arribat cussu sonu
chi contat de tui,
ti ses fatu cantzoni
po mi abarrai acanta.
Liscinant dònnia dì
nodas de luxi e fogu,
tzàchidus e lampus
chi alluint su spantu.
Ti stimo meda asullu miu,
ses acorru po sa tristura mia,
debadas circu de allontanai
s’arregordu
poita ca
frùngias de vida
scrint de nosu,
e cu coru si disisperat
Notesta
intendu tropu custa assèntzia,
apu respirau cun tui,
apu trumentau cun tui,
apu biu froris de celu
imprassada a tui,
poita ca
ses sùlidu de vida,
obrescidroxu profumau de arrosa.
Tengu unu steddu
chi tenit su nòmini tuu,
pesu is ogus a su celu
e deu bagamunda sentza domu
mi nci dromu bisendi de tui.

Angelica Piras
1° posto al concorso letterario XII edizione 2012 Maskaras di Terralba

Scrivi un commento