Orologio astronomico nella torre del Municipio di Praga (1410)
Tempus
Obia frimmai su tempus
Poitta non bastat mai
po imparai a bivi,
connosci de su mundi
d’onnia curiosidadi,
de tottu is cosas
allogai sa memoria
e s’arregordu
Obia frimmai su tempus
po connosci de mei e tottu,
e de sa genti de su mundu
cumprendi e cumpadessi,
e de de cumenti s’omini sunfrit
de candu, pippiu, ndi bogat
spantau sa conch’e su saccu
Obia frimmai su tempus
po cumprendi is feminas,
ca ndi scindi sempri de prus
de su misteriu de sa vida
c’anti creau cun sanguini,
e cun zerrius de daboris,
e de su mundu portant su pesu
Obia frimmai su tempus
po ascurtai sa gioventudi,
liggi in is ogus alluttus
pensamentus e timorias
de no porri frimmai
su bolidu curtzu e lebiu
de mariposa prexiada
Obia frimmai su tempus
po imbecciai,
po contai s’arrosariu
de is annus a is pippius,
e su contai passienziosu
est su fueddu
inventau de is ominis
po imbrolliai sa morti
Tempo
Volevo fermare il tempo
per imparare a vivere
avere curiosità
di ogni cosa del mondo
e conservarne la memoria
e il ricordo
Volevo fermare il tempo
per conoscere me stesso
e della gente del mondo
comprendere e compatire,
e di come l’uomo soffre
da quando, neonato, si affaccia
al mondo con meraviglia
Volevo fermare il tempo
per capire le donne,
che ne sanno di più
del mistero della vita
che hanno creato col sangue
e con grida di dolore,
e del mondo portano il peso
Volevo fermare il tempo
Per ascoltare i giovani,
leggere negli occhi luminosi
i pensieri e i timori
di non poter fermare
il volo breve e leggero
di una farfalla gioiosa
Volevo fermare il tempo
per invecchiare,
per raccontare ai bambini
il rosario degli anni,
e quel racconto paziente
è parola
inventata dagli uomini
per ingannare la morte.
Tonino Sitzia
