Saturday 25th November 2017,
Circolo di lettura, scrittura, presentazioni libri, Giornata della Memoria, Festa dei lettori

Angelica Piras – Bollu bivi

Angelica Piras - Festa della Poesia 2012

Narant chi seu maca
sceti poita ca mi fatzu
basai sa buca de sa vida
àtzia e cala
s’arrùbiu bisòngiu e disigiosa
mi lassu andai a issu.
Narant chi non andu beni
poita ca non sciu abarrai frima,
ma deu bollu bivi
aguantendi dònnia alenu asullu
e non bollu incungiai s’amori
chi tengu arrimau aintru
custu coru innamorau.
Pobera anima
fustigada de custa genti prena de feli e àstiu
e pòberus bosàtrus chi seis tzurpus,
ma deu, tengu ogus de pampa
candu biu su mari chi dantzat
fastiggendi su soli
accudiu de su bentu de beranu,
m’incantu castiendi unu scurigadroxu,
su ballu de is follas e de is froris,
su celu scurpiu de is steddas
poita ca tottu custu
est un’ adòbiu de luxi e misteru
e colorant su coru.
Bollu gosai de custus cantus de allirghia
currendi avatu a custa vida
a fragu de soli mari e bentu
e bollu morri respirendi
e bisendi.

Angelica Piras

3° classificata sezione regionale al concorso Peppinu Mereu di Tonara 2012

Scrivi un commento